اسلام آباد(آئی این پی)پاکستان تحریک انصاف کے چیئر مین عمران خان نے کہا ہے کہ اگرپی ایس ایل فائنل میں پٹاخہ بھی پھٹ جاتا تو پاکستان میں کرکٹ ختم ہوجاتی، اتنی سیکیورٹی میں میچ کے بعد کیا غیرملکی ٹیمیں آجائیں گی، بلکہ دنیا میں پیغام گیا کہ پاکستان میں ابھی بھی خطرہ ہے ، جو کھلاڑی اپنے ملک میں ٹیسٹ کرکٹ نہیں کھیل سکتا ان کو پی ایس ایل فائنل کیلئے بلایا گیا ، کرس گیل ،کیون پیٹرسن کا جو لیول ہے وہ ڈیرن سیمی کا نہیں،ڈیرن سیمی کے

علاوہ تمام غیر ملکی کھلاڑی پھٹیچر تھے۔ منگل کو ایک ٹی وی انٹرویو میں قومی کرکٹ ٹیم کے سابق کپتان عمران خان نے کہا کہ لاہور اور سیہون دھماکوں سے پہلے ملک میں حالات اچھے تھے ، اس دوران پی ایس ایل کو پاکستان میں کرانا چاہیے تھا،جن کھلاڑیوں کو پی ایس ایل فائنل کیلئے بلایا گیا انکو پورے پی ایس ایل کیلئے پاکستان میں بلاتے تو وہ آجاتے۔ انہوں نے کہا کہ کیون پیٹرسن میری وجہ سے نہیں بلکہ ان کی فیملی کو خوف تھا اس لیے نہیں آئے