لندن(نیوزڈیسک)متنازعہ بیانات اورافواہوں کا ڈراپ سین ،انگلش کھلاڑی عمران خان کی حمایت میں بول پڑے،کوئٹہ گلیڈی ایٹرز کی ٹیم میں شامل انگلش کھلاڑی کیون پیٹرسن نے کہا ہے کہ لاہور نہ آنے کے فیصلے کا عمران خان کے بیان سے کوئی تعلق نہیں ہے۔واضح رہے کہ کچھ غیر ملکی کرکٹرز نے سیکیورٹی خدشات کے باعث پاکستان آنے سے انکار کردیا تھا

جن میں انگلش کھلاڑی کیون پیٹرسن بھی شامل تھے،کیون پیٹرسن نے ویڈیو جاری کی ہے جس میں انہوں نے لاہور میں پی ایس ایل کا فائنل نہ کھیلنے کے بارے میں عمران خان کے حوالے سے بے بنیاد خبروں کی تردید کرتے ہوئے کہا ہے کہ انہوں نے پاکستان نہ جانے کا فیصلہ اپنے خاندان سے مشاورت کے بعد کیا، لاہور نہ آنے کے فیصلے کا عمران خان کے بیان سے کوئی تعلق نہیں ہے درحقیقت وہ اور ان کے اہلخانہ ایونٹ شروع ہونے سے پہلے ہی پاکستان نہ جانے کا فیصلہ کرچکے تھے۔