اسلام آباد(مانیٹرنگ ڈیسک) پی ایس ایل میں پشاور زلمی کی فرنچائز کے مالک جاوید آفریدی نے نجی ٹی وی پروگرام میں گفتگو کرتے ہوئے کہا ہے کہ پاکستان میں فائنل میچ کھیلنے کیلئے آنے سے قبل پشاور زلمی کے غیر ملکیوں کھلاڑیوں کے تاثرات اور تھے۔ جب فائنل میچ ہو گیا اور کھلاڑی واپس جانے لگے تو وہ فرط جذبات سے رو رہے تھے۔ ویسٹ انڈیز واپسی پر ڈیرن سمی کا کہنا تھا کہ میں نے اپنے ملک کو دو بار ورلڈ

چیمپئن بنوایا ہے اور ورلڈکپ جیتنے کا کام میرے ہاتھوں انجام پہنچا لیکن پاکستان میں پی ایس ایل کھیلتے ہوئے جو مجھے خوشی ملی وہ کبھی نہیں ملی۔ ڈیرن سمی نے روتے ہوئے کہا کہ مجھے پاکستان کی مٹی نے وہ محبت دی جو میں کبھی نہیں بھلا سکتا۔ اتنا پیار مجھے ویسٹ انڈیز میں نہیں ملا جتنا یہاں ملا۔ مجھے پی ایس ایل فائنل جیت کر اس قدر خوشی ہوئی جتنا میں ورلڈ کپ جیت کر بھی خوش نہیں ہوا تھا۔

موضوعات:پشاور زلمی ڈیرن سمی