لاہور (این این آئی) کوئٹہ گلیڈی ایٹرز کے مینٹور ویوین رچرڈز نے کہا ہے کہ 4 غیر ملکی کھلاڑی نہیں آئے جو فائنل ہارنے کی ایک وجہ ہے ٗٹیم نے بہت محنت کی اس لیے فائنل میں پہنچے۔ میڈیا سے بات چیت کرتے ہوئے انہوںنے کہاکہ عمران خان اور جاوید میانداد کے ساتھ کھیل کر مزہ آتا تھا۔دوسری جانب کوئٹہ گلیڈی ایٹرز کی ٹیم میں شامل انگلش کھلاڑی کیون پیٹرسن نے کہا ہے کہ پی ایس ایل فائنل
کے لیے لاہور نہ آنے کے فیصلے کا عمران خان کے بیان سے کوئی تعلق نہیں ہے۔پاکستان سپر لیگ کا رنگا رنگ میلہ لاہور کے قذافی اسٹیڈیم میں کامیابی کے ساتھ اختتام پذیر ہوا ٗایونٹ میں غیر ملکی کھلاڑیوں کی موجودگی نے پی ایس ایل کو چار چاند لگادئیے تاہم کچھ غیر ملکی کرکٹرز نے سیکیورٹی خدشات کے باعث پاکستان آنے سے انکار کردیا تھا جن میں انگلش کھلاڑی کیون پیٹرسن بھی شامل ہیں۔
