لاہور ( این این آئی) پاکستان سپر لیگ کے دوسرے ایڈیشن کی فاتحہ ٹیم پشاور زلمی کے مالک جاوید آفریدی نے جیت کی خوشی میں پوری ٹیم کو شکرانے کے طور پر عمرہ کرانے کا اعلان کر دیا ۔تفصیلات کے مطابق پشاور زلمی کے مالک نے اپنی ٹیم کی جیت پر کہا کہ پاکستانی قوم نے گزشتہ کچھ عرصے سے بہت دکھ سہے ہیں اور ہم ان کو ٹائٹل جیت کر تحفہ دینا چاہتے تھے۔انہوں نے سیمی کے اس دعوے کی وضاحت کرتے ہوئے

کہا کہ دراصل میں نے ٹیم کی جیت کی صورت میں عمرہ کر کے گنجا ہونے کا ذکر کیا تھا جس پر سیمی کو صرف شیو والی بات سمجھ آئی اور انہوں ے وعدہ کر لیا۔جاوید آفریدی نے کہا کہ وہ پشاور زلمی کے چمپئن بننے کی خوشی میں پوری ٹیم کو شکرانے کے طور پر عمرہ کرائیں گے جس کے بعد تمام کھلاڑی گنجے ہوں گے۔یاد رہے کہ کوئٹہ گلیڈی ایٹرز کے خلاف فائنل سے قبل ڈیرن سیمی کی ایک ویڈیو منظر عام پر آئی تھی جس میں انہوں نے کہا تھا کہ اگر ان کی ٹیم فائنل جیتی تو پوری ٹیم گنجی ہو گی۔اس موقع پر انہوں نے کہا تھا کہ ٹیم مالک جاوید آفریدی بھی گنجے ہوں گے جس پر جاوید ان سے ایسا نہ کرنے کی التجا کرتے ہوئے دکھائی دیے تھے۔اتوار کو لاہور کے قذافی اسٹیڈیم میں ہونے والے پاکستان سپر لیگ کے تاریخی فائنل میں پشاور زلمی نے کوئٹہ گلیڈی ایٹرز کو یکطرفہ مقابلے کے بعد شکست دے کر چیمپیئن بننے کا اعزاز حاصل کیا تھا۔جبکہ جاوید آفریدی نے  ڈیرن سیمی کیلئے بیس ہزار ڈالر کی اضافی انعامی رقم کا اعلان کردیا  ،ڈیرن سیمی  بہترین کارکردگی اور کپتانی کی وجہ سے پاکستان سپر لیگ میں سب سے زیادہ کمانے والے کھلاڑیوں میں سے ایک ہیں ، جاوید آفریدی نےایک ٹویٹ کے ذریعے فیصلے کا اعلان کیا . ڈیرن سیمی کی پشاور زلمی کے لئے شاندارکارکردگی کو سراہا انہوں نے کہا کہ ڈیرن سیمی کو بطور کپتان ٹیم ورک کو فروغ دینے کے جذبے

کی وجہ سے بیس ہزار ڈالر کا اضافی انعام دیاجائیگا .بنگلہ دیشی سٹار کرکٹر تمیم اقبال کے لئے  پانچ ہزار ڈالر کی انعامی رقم کا اعلان کیا۔

موضوعات:پی ایس ایل فائنل جاوید آفریدی