اسلام آباد (آئی این پی )متحدہ قومی موومنٹ کے رہنما سینیٹر میاں عتیق نے کہا ہے کہ پی ایس ایل کا فائنل لاہور میں کرانے کا فیصلہ وزیراعظم محمد نوازشریف اور وزیراعلیٰ پنجاب شہبازشریف اور متعلقہ اداروں کا بڑا اقدام ہے،اس اقدام پر حکومت خراج تحسین کی مستحق ہیں۔جمعہ کوپارلیمنٹ ہاؤس کے باہر میڈیا سے گفتگو کرتے ہوئے انہوں نے کہا کہ پی ایس ایل کا فائنل لاہور میں کرانے کے فیصلہ سے خوشی ہے،یہ ایک نئی تاریخ
رقم ہورہی ہے،یہ حکومت وقت کا بڑا اقدام ہے،خواہش ہے کہ کراچی کی ٹیم فائنل میں پہنچ کر ٹورنامنٹ جیت جائے۔امید ہے کہ یہ میچ خیریت سے ہوگا سیکیورٹی کی بھرپور تیاری کی گئی ہے،امید ہے آئندہ پی ایس ایل کے تمام میچ پاکستان میں ہونگے،پی ایس ایل کا فائنل لاہور میں کرانے پر پورے پاکستان کے عوام خوش ہیں۔
