سڈنی ( آن لائن ) سابق آسٹریلوی فاسٹ بولر راڈنی ہاگ کاکہنا ہے کہ عظیم سربریڈمین دورحاضر میں 100کے قریب ایوریج سے اسکور نہیں کرپاتے، آج کی کرکٹ زیادہ کمپی ٹیٹیواور مشکل ہے. سرڈان بریڈمین ٹیسٹ کرکٹ کی تاریخ کے عظیم ترین بیٹسمین کہلاتے ہیں، ان کی اوسط99.94 اور 52 ٹیسٹ میں29سنچریوں کا ریکارڈ شائد کوئی نہ توڑ سکے۔ لیکن آسٹریلیا کے سابق فاسٹ بولر راڈنی ہاگ نے عظیم بیٹسمین کا دورحاضر کے بڑے پلیئرز سے موازنہ کرکے ایک نئے تنازعہ کوجنم دیا ہے۔

ایک ریڈیو انٹرویو میں راڈنی ہاگ نے کہاکہ سرڈان بریڈمین نے اس دور میں شاندار ایوریج سے اسکورکیا، جب یہ نسبتاً آسان تھا۔ اگر وہ آج کے دور میں کھیلتے،تو یہ اوسط حاصل نہ کرپاتے۔سابق فاسٹ بولرنے کہاکہ موجودہ دور تک انگلینڈ کے عظیم بیٹسمین گراہم گوچ نے 42، ڈیوڈ گاور کا43، ایلن لیمب کے 40، جبکہ جیف بائیکاٹ اور کیون پیٹرسن کا47 کے اوسط سے رنزبنائیجبکہ بریڈمین کے 1920 سے 50 کے دور میں والی ہیمنڈز کااوسط 58، برٹ سٹکلف کا 60 اور جیک ہوبز کا 56 رنز تھا۔جوموجودہ دور کے عظیم پلیئرز سے 10 رنززیادہ ہیاوراس سے یہ واضح ہے کہ اس دور میں بیٹنگ آسان تھی۔ آج کے دور میں بریڈمین بھی ہوتے توسوکے قریب کااوسط حاصل نہ کرپاتے۔۔