اسلام آباد(مانیٹرنگ ڈیسک)دشمن ملک سے شاہد آفریدی کیلئے غیر متوقع نیک تمنائوں کے پیغام نے شائقین کرکٹ کو اپنی جانب متوجہ کر لیا ۔ تفصیلات کے مطابق پاکستان سپر لیگ کی جاری تیاریوں کے دوران بھارت کے مایہ ناز سپنر ہربھجن سنگھ نے اپنے ایک ویڈیو پیغام کے ذریعے پاکستان اور بھارت کے کرکٹ شائقین کو ورطہ حیرت میں ڈال دیا ہے۔
بھارتی سپنر نے اپنے ویڈیو پیغام میں شاہد آفریدی اور ان کی پی ایس ایل ٹیم پشاور زلمے کے کھلاڑیوں کی حوصلہ افزائی کرتے ہوئے کہا ہے کہ ”ہیلو دوستو، میں اپنے دوست شاہد آفریدی اور ان کی ٹیم پشاور زلمی کیلئے نیک خواہشات کا اظہار کرتا ہوں۔۔۔ لڑکو! جم کر کھیلو، یہ کپ تمہارا ہے۔“
