اسلام آباد(مانیٹرنگ ڈیسک ) قومی ٹیم کے مایہ ناز آلراؤنڈر اور لاکھوں دلوں کی دھڑکن شاہد خان آفریدی نے بھارتی میڈیا کی جانب سے کئے جانے والے پراپیگنڈہ کا منہ توڑ جواب دے دیا ہے ۔ انہوں نے اپنے آپ کو بھارتی فوج سے ڈرنےو الا انسان کہے جانے کے جواب میں کہا ہے کہ بھارتیوں کو ابھی یہ معلوم ہی نہیں کہ سرحد پر سب سے آگے پٹھان ہی کھڑے ہوتے ہیں ۔

تفصیلات کے مطابق سرکاری سپورٹس چینل پر بطور مبصر خدمات سر انجام دینے والے سٹار آل راؤنڈر نے ایک بھارتی اخبار کی جانب سے خود کو ”بھارتی فوج سے ڈرنے والا انسان “ کہنے کے بیان پر جواب دیتے ہوئے کہا کہ انہیں ابھی معلوم نہیں ہے کہ سرحد پر پاکستانی فوج سے پہلے پٹھان ہی کھڑے ہوتے ہیں ۔واضح رہے کہ پاکستان اور بھارت کے مابین جاری حالیہ کشیدگی کے دوران شاہد آفریدی نے اپنے ٹویٹ میں امن کی بات کی تھی جس نے بھارتی میڈیا کو مرچیں لگا دی تھیں اور امن کی بات کرنے پر بھارتی میڈیا نے شاہد آفریدی پر ہرزہ سرائی کرتے ہوئے کہا تھا کہ یہ بھارتی فوج سے ڈرنےو الا انسان ہے ۔

موضوعات:ٹویٹ شاہدآفریدی