لاہور( مانیٹرنگ ڈیسک ) لاہور قلندرز نے قذافی اسٹیدیم کا ایک اسٹینڈ طالب علموں کیلیے مخصوص کر دیا ہے جبکہ چیئرمین رانافواد نے اعلان کیا ہے کہ روزانہ قرعہ اندازی کے ذریعے ایک طالب علم کے ایک سیمسٹر کی فیس لاہور قلندرز ادا کرے گا۔لاہور قلندرز کے چیئرمین رانافواد نے اعلان کیا ہے کہ جاز رائزنگ اسٹارز ٹورنامنٹ کے دوران قذافی اسٹیڈیم کا ایک اسٹینڈ طالب علموں کیلیے مخصوص ہوگا جہاں آنے والے اسٹوڈنٹس میں سے ایک طالب علم کے پورے سیمسٹر کی فیس لاہور قلندرز ادا کرے گا۔ان کا کہنا تھا کہ خوش نصیب اسٹوڈنٹ کا چناؤقرعہ اندازی کے ذریعے کیا جائے گا۔ رانا فواد نے یہ بھی اعلان کیا کہ میچز دیکھنے کیلیے آنے والے دیگر تماشائیوں کیلیے سرپرائز گفٹس کا سلسلہ بھی جاری رہے گا۔

موضوعات:لاہور قلندر