اسلام آباد(مانیٹرنگ ڈیسک) قومی فاسٹ بولر محمد عامر کی شادی کی دعوت نہ ملنے پر محمد آصف اور سلمان بٹ بلاآخر بول پڑے۔ تفصیلات کے مطابق قومی ٹیم کے سابق فاسٹ بولر محمد آصف نے رد عمل دیتے ہوئے کہا ہے کہ محمد عامر نے اپنی شادی پر نہیں بلایا تو نہ بلائیں کیونکہ میں نے بھی اسے اپنی شادی پر نہیں بلایا تھا۔۔انکا کہنا تھا کہ شادی پر بلانے یا نہ بلانے سے کوئی فر ق نہیں پڑتا مگر دکھ اس لیے نہیں ہے کہ میں نے بھی محمد عامر کو اپنی شادی پر مدعو نہیں کیا تھا۔دوسری جانب سلمان بٹ نے سپورٹس مین شپ کا مظاہر ہ کرتے ہوئے کہا ہے کہ محمد عامر نے نہیں بلایا تو کوئی بات نہیں۔”میں فون کر کے محمد عامر کو مبارکباد دونگا “۔قومی فاسٹ بولر محمد عامر کی گزشتہ رات مہندی تھی اور آج انکی بارات ہے۔ محمد عامر نے سلمان بٹ اور محمد آصف کو اپنی شادی پر مدعو نہیں کیا تھا جس کے بعد میڈیا پر مختلف تبصرے ہو رہے تھے۔یاد رہے محمد عامر اور محمد آصف سپاٹ فکسنگ سکینڈل میں سزا کاٹ چکے ہیں۔