لاہور( این این آئی )انگلینڈ کی کرکٹ ٹیم کے اوپنر ایلکس ہیلز سمیت مزید 3 کرکٹرز پاکستان سپر لیگ سے وابستہ ہوگئے ۔پاکستان کرکٹ بورڈ کی ایگزیکٹیو کمیٹی کے چیئرمین نجم سیٹھی نے سماجی رابطے کی ویب سائیٹ ٹوئٹر پر تصدیق کی ہے کہ کہ انگلینڈ کے ایلکس ہیلز پاکستان سپر لیگ سے وابستہ ہوگئے ہیں ، اس کے علاوہ جنوبی افریقہ کے کیڈیوڈ وائزے اور انگلینڈ کے جیک بال نے بھی پی ایس ایل کے ڈرافٹ پر دستخط کردئیے ہیں۔واضح رہے کہ پاکستان سپر لیگ کا دوسرا ایڈیشن آئندہ برس منعقد کیا جائے گا تاہم اس مرتبہ ایونٹ کا افتتاحی میچ اور فائنل لاہور میں کرانے کی تجویز زیر غور ہے۔