مانچسٹر(نیوزڈیسک ) دورہ انگلینڈ میں ٹیم کا آخری اور سرفراز کا پہلا امتحان آج ہوگا۔ شاہین آج واحد ٹی ٹوئنٹی میں انگلش ٹیم سے ٹکرائیں گے،نئے کپتان ٹیم کی جیت کے لئے پر امید ہیں۔ میچ پاکستانی وقت کے مطابق رات ساڑھے دس بجے شروع ہوگا۔پاکستان انگلینڈ ٹیسٹ کی ٹرافی شیئر ہوئی۔ ون ڈے کی ٹرافی تو ہاتھ سے گئی۔ واحد ٹی ٹوئنٹی میں صرف ٹیم ہی نہیں بدلی کپتان بھی بدل گیا۔ انگلینڈ میں پاکستان کا آخری معرکہ آج ہورہاہے۔سرفراز بطورکپتان پہلا میچ کھیل رہے ہیں۔ ٹیسٹ اور ون ڈے میں سرفراز چھاگئے تھے اور اب وہ ٹی ٹوئنٹی میں کامیابی کے لئے پرامید ہے۔گرین شرٹس دوہزاربارہ کےبعد پہلی بار شاہدآفریدی کےبغیرٹی ٹوینٹی کھیلیں گے۔ کرکٹ ماہرین نے مانچسٹر کی وکٹ کو اسپنرز کے لئے سازگار قرار دیا جارہاہےاوراس وکٹ پراگرپاکستانی سپنرزنپی تلی بولنگ کریں توانگلینڈ سے جیتناکوئی مسئلہ نہیں ۔