اسلام آباد(مانیٹرنگ ڈیسک) پاکستان کے مایہ ناز بلے باز انضمام الحق 9 سال کے بعد کرکٹ بیٹ تھامے میدان میں کود پڑے، تفصیل کے مطابق 9 سال بعد انضمام الحق نے ڈومیسٹک کرکٹ میچ میں بلے بازی کی اور اپنے روایتی انداز میں باؤلرز کے چھکے چھڑا دیئے۔ انضمام الحق نے ڈومیسٹک کرکٹ میچ میں جارحانہ انداز میں بیٹنگ کی اورخوب چوکے چھکے لگائے۔ انضمام الحق ورلڈ سٹار الیون کی جانب سے ڈومیسٹک میچ کھیل رہے تھے۔ کرکٹ شائقین نے پاکستان کرکٹ ٹیم کے سابق کپتان اور مایہ ناز بلے باز کو ایکشن میں دیکھ کر انضمام الحق کو خوب داد دی۔ اس موقع پر شائقین کا کہنا تھا کہ طویل عرصے بعد انضمام الحق نے میدان میں اتر کر شائقین کو بھرپور تفریح فراہم کی ہے۔

موضوعات:انضمام الحق