کارڈوف( مانیٹرنگ ڈیسک )پاکستان اور انگلینڈ کے درمیان پانچواں ایک روزہ میچ آج کارڈف میں کھیلا جائے گا، ان فٹ محمد عرفان کی جگہ محمد عامر کی ٹیم میں واپسی متوقع، انگلینڈ کو سیریز میں چار صفر کی برتری حاصل ہے گرین شرٹس وائٹ واش کی ہزیمت سے بچنے کیلئے تیار ، انگلینڈ سیریز واش کرنے کیلئے پرعزم ۔پاکستان اور انگلینڈ کے درمیان پانچویں اور آخری ایک روزہ میچ آج کارڈف کے میدان میں کھیلا جائیگا، میچ پاکستانی وقت کے مطابق دوپہر ڈھائی بجے شروع ہوگا چوتھے ایک روزہ میچ میں ان فٹ ہونے والے محمد عرفان کی جگہ عامر کی شمولیت متوقع ہے انگلیں ڈ کو پانچ میچوں کی سیریز میں چار صفر کی فیصلہ کن برتری حاصل ہے۔کارڈف کے میدان میں پاکستان نے انگلینڈ کے خلاف دو ایک روزہ میچ کھیلے ، ایک میں شکست ہوئی جبکہ ایک بغیر نتیجے کے ختم ہوا۔یاد رہے کہ پاکستان کو انگلینڈ کے ہاتھوں مسلسل سات میچوں میں شکست ہوچکی ہے پاکستان نے انگلینڈ کے خلاف آخری ون ڈے گیارہ نومبر دو ہزار پندرہ کو جیتا تھا۔