اسلام آباد (این این آئی)انگلینڈ کے خلاف واحد ٹی ٹوئنٹی میچ کیلئے پاکستان ٹیم کا اعلان تیسرے ون ڈے کے بعد کیا جائے گا ٗشاہد آفریدی کی ٹیم میں شمولیت کا کوئی امکان نہیں ۔احمد شہزاد اور عمر اکمل کے نام بھی ویسٹ انڈیز کے خلاف سیریز میں زیر غور لا ئیں جائیں گے ۔سلیکشن کمیٹی کے ذرائع نے بتایا کہ انگلینڈ کے خلاف واحد ٹی ٹوئنٹی میچ کیلئے قومی اسکواڈ میں زیادہ تبدیلیوں کا امکان نہیں ۔عماد بٹ کو تو ٹیم میں شامل کئے جانے کا امکان ہے البتہ عمر اکمل اور احمد شہزاد کو ویسٹ انڈیز کے خلاف سیریز سے زیر غور لایا جائیگا ۔ سابق کپتان شاہد آفریدی کو انگلینڈ کے خلاف ٹی ٹوئنٹی میچ کیلیے زیر غور نہیں لایا جائیگا ۔سلیکشن کمیٹی کے مطابق شاہد آفریدی نے ٹیم میں کم بیک کرنا ہے لیکن وہ ڈومیسٹک ٹی ٹونٹی نہیں کھیل رہے اور اگر وہ فٹ نہیں ہیں تو سلیکشن کمیٹی کو اس حوالے سے بتا دیں ۔‎