لندن (این این آئی) پاکستان اور انگلینڈ کی کرکٹ ٹیموں کے درمیان پانچ ایک روزہ بین الاقوامی میچوں پر مشتمل سیریز کا دوسرا میچ (کل) ہفتہ کو لارڈز، لندن میں کھیلا جائے گا پاکستان کے معیاری وقت کے مطابق میچ دن دو بجکر 30 منٹ پر شروع ہوگا۔ شیڈول کے مطابق پاک انگلینڈ ٹیموں کے درمیان ون ڈے سیریز کا دوسرا میچ (کل) کھیلا جائیگا، تیسرا میچ 30 اگست کو نوٹنگھم میں کھیلا جائیگا، چوتھا میچ یکم ستمبر کو لیڈز میں کھیلا جائیگا جبکہ پانچواں اور آخری میچ 4 ستمبر کو کارڈف کے مقام پر کھیلا جائے گا، اس کے بعد دونوں ٹیموں کے درمیان واحد ٹی ٹونٹی میچ 7 ستمبر کو مانچسٹر میں کھیلا جائے گا۔یاد رہے کہ میزبان ٹیم کو پاکستان کے خلاف سیریز میں 1-0 کی برتری حاصل ہے۔ انگلینڈ نے پاکستان کو پہلے ون ڈے میچ میں 44 رنز سے شکست دی تھی اس سے قبل دونوں ٹیموں کے درمیان کھیلی گئی چار ٹیسٹ میچوں کی سیریز 2-2 سے برابر رہی تھی۔ ٹیسٹ سیریز میں شاندار کارکردگی کے بعد پاکستانی ٹیم نے آئرلینڈ کے خلاف ون ڈے سیریز 1-0 سے جیتی تھی اور گرین شرٹس اب انگلش ٹیم کے چیلنج سے نمٹنے کیلئے تیار ہے۔