لاہور(نیوزڈیسک)قومی کرکٹ ٹیم میں گروپ بندی اورنیوزی لینڈکے خلاف میچ میں سست بیٹنگ کرنے والے کھلاڑیوں کے خلاف سخت ایکشن لینے کا فیصلہ کر لیا گیا۔ ذرائع کے مطابق پاکستان اورنیوزی لینڈکے مابین اہم میچ میں احمدشہزاداورعمراکمل کی جانب سے سست بیٹنگ کرنے اورٹیم کی شکست میں اہم کرداراداکرنے پرسخت ایکشن لینے کافیصلہ کیا گیا ہے ۔ذرائع کایہ بھی کہناہے کہ ان کھلاڑیوں قومی اسکواڈ سے نکالنے کے علاوہ دیگرسخت اقدامات متوقع ہیں۔واضح رہے کہ اوپنراحمدشہزادنے32گیندوںپر30رنزبنائے جن میں صرف3چوکے لگائے،عمراکمل نے26گیندوں پر24رنزبنائے انکی اننگزمیں کوئی چوکایاچھکاشامل نہیںاورشعیب ملک نے13گیندوں پر15رنزبنائے انہوں نے بھی کوئی چوکایاچھکانہیں لگایاسرفرازاحمدنے8گیندوں پر11رنزبنائے وہ بھی کوئی چوکایاچھکالگانے میں کامیاب نہیں ہوئے۔آخری5اووروں میں جب تیزرن ریٹ کی ضرورت تھی توپاکستانی بیٹسمین ایک بھی چوکایاچھکالگانے میں کامیاب نہ ہوسکے۔میچ کی ٹوٹل120گیندوں میں سے86گیندیں(14اوور2بالز)پراحمدشہزاد،عمراکمل ،خالدلطیف ،شعیب ملک اورسرفرازاحمدنے کھیلیں اوران 86بالزپرصرف3چوکوںکی مددسے 83رنزبناپائے۔یہ کھلاڑی جوخودکوبہت تیس مارخان سمجھتے ہیں وہ آخری30گیندوں پرکوئی چوکایاچھکانہ لگاسکے۔جبکہ شرجیل خان اورشاہدآفریدی نے 34گیندیں (5اوور4بالز)کھیل کر66رنزبنائے جن میں2چھکے اور11چوکے لگائے۔شرجیل خان نے25گیندوںپرایک چھکے اور9چوکوں کی مددسے47رنزبنائے اورشاہدآفریدی نے9گیندوں پرایک چھکے اور2چوکوں کی مددسے19رنزبنائے۔جس سے یہ بات واضح ہے کہ سست کھیلنے والے کھلاڑی جاں بوجھ کرسست کھیلے۔