فیصل آباد(نیوز ڈیسک)پاکستانی کرکٹ ٹیم کے میچ ہارنے پر فیصل آباد کا شہری نے شدید غصے میں آکر قومی ٹیم پر مقدمہ درج کی درخواست جمع کرادی ہے۔فیصل آباد کے علاقے غلام محمدآباد کے رہائشی تاجر کشف علی نے تھانہ غلام محمدآباد ایک درخواست جمع کروائی ہے جس میں انہوں نے موقف اختیار کیا ہے کہ ورلڈ ٹی ٹوئنٹی میں پاکستانی ٹیم نے بھارت اور نیوزی لینڈ کے ساتھ میچ میں ناقص کارکردگی کا مظاہرہ کیا جس کے باعث ٹیم دونوں میچ ہار گئی جس سے ملک کی ساکھ نقصان پہنچا اور پاکستانی قوم کے دل ٹوٹے ہیں۔درخواست گزار کے مطابق حکومت کرکٹ ٹیم پر لاکھوں روپے خرچ کرتی ہے لہذا اس ہار کے ذمہ دار افراد وقار یونس، انتخاب عالم، شاہد آفریدی، سرفراز احمد، عمراکمل اور احمد شہزاد سیمت پاکستانی ٹیم کیخلاف مقدمہ درج کیاجائے۔ پولیس نے شہری کی درخواست وصول کرکے کارروائی شروع کردی ہے۔