لاہور(نیوزڈیسک)محمدعامر سے اظہرعلی اورمحمدحفیظ کے تنازعے کا ڈراپ سین،شہریارخان نے موقف تسلیم کرکے سب کو حیران کردیا،چیئرمین پی سی بی نے راضی کر لیا، حفیظ اور اظہر کل سے کیمپ جوائن کریں گے،چیئرمین پی سی بی شہریار خان نے کہا ہے کہ محمد عامر کے ساتھ دونوں کھلاڑیوں کا اختلاف ذاتی نہیں بلکہ اصولی ہے۔ محمد عامر کے حوالے سے حفیظ اور اظہر کا معاملہ ختم سمجھا جائے۔پاکستان کرکٹ بورڈ (پی سی بی) کے چیئرمین شہریار خان نے تصدیق کی ہے کہ محمد عامر کے حوالے سے سینئر کھلاڑیوں محمد حفیظ اور اظہر علی کا معاملہ اب ختم سمجھا جائے۔ سپاٹ فکسنگ کیس کے سزا یافتہ فاسٹ بولر محمد عامر کے معاملے پر دونوں کھلاڑیوں سے خوشگوار ماحول میں بات چیت ہوئی ہے۔ محمد حفیظ اور اظہر علی کا اختلاف ذاتی نہیں بلکہ اصولی ہے۔ دونوں کھلاڑی بورڈ کی پالیسی کیخلاف نہیں ہیں۔ حفیظ اور اظہر کل سے کیمپ جوائن کریں گے۔ ان کا کہنا تھا کہ محمد عامر نے کھلاڑیوں سے اپنی غلطی کی معافی بھی مانگی ہے۔ اس نوجوان کو کارکردگی کی بنیاد پر چانس دیا جا رہا ہے۔