لاہور (آن لائن) سپاٹ فکسنگ میں سزا مکمل کرنے والے قومی ٹیم کے سابق کپتان سلمان بٹ اور محمد آصف 18دسمبر کو نمائشی میچ کھیلیں گے۔ تفصیلات کے مطابق خلیجی ملک قطر نے اپنے قومی دن کے موقع پر ایک نمائشی ٹی ٹونٹی میچ کروانے کا فیصلہ کیا ہے جس میں پاکستانی سٹارز ایکشن میں نظر آئیں گے۔ ذرائع کے مطابق سلمان بٹ اور محمد آصف کے علاوہ سعید اجمل ،فواد عالم ، کامران اکمل ، احسان عادل ، اعزاز چیمہ،عمران فرحت و دیگر کھلاڑی شرکت کریں گے۔ یاد رہے کہ پاکستان کرکٹ بورڈ پہلے ہی دونوں کھلاڑیوں کو اگلے سا ل شیڈول ڈومیسٹک ون ڈے کپ میں واپڈا کی نمائندگی کرنے کی اجازت دے چکا ہے۔