نئی دہلی(نیوز ڈیسک ) عمران خان نے سنیل گواسکر کو سچن ٹنڈولکر سے بڑا کھلاڑی قرار دے دیا ،سابق کپتان کا کہنا تھا کہ گواسکر سے ٹنڈولکر سے زیادہ مشکل دور میں کرکٹ کھیلی ہے۔ایک بھارتی چینل کے پروگرام میں گفتگو کرتے ہوئے عمران خان کا کہنا تھا کہ سچن ٹنڈولکر بلا شبہ دنیا کے بہترین بلے بازوں میں سے ایک ہیں اور ان کا ریکارڈ بھی اس کا گواہ ہے لیکن وہ کبھی بھی سنیل گواسکر کی طرح کی بہادرانہ اننگز نہیں کھیل سکے ، گواسکر نے اس دور میں اوپننگ کے فرائض سر انجام دیئے جب دنیا بھر کی ٹیموں میں بہترین فاسٹ باو¿لرز موجود تھے ، انہوں نے ویسٹ انڈیز کی اس شہرہ آفاق ٹیم کا بھی سامنا کیا جس کے 4فاسٹ باو¿لر کی ہیبت دنیا بھر میں پھیلی ہوئی تھی اور اس کے ساتھ آسٹریلیوی فاسٹ باو¿لنگ کی مشہور زمانہ جوڑی ڈینس للی اور جیف تھامسن کے باو¿نسرز کو بھی جھیلا جب کہ عظیم نیوزی لینڈ آل راو¿نڈر سر رچرڈ ہیڈلی بھی ان کی تکنیک ٹیسٹ کرتے رہے حالانکہ ان کے اپنے ملک میں1978ئ میں کپل دیو کی آمد سے قبل اس وقت ایک بھی تیز فاسٹ باو¿لر موجود نہیں تھا لیکن افسوس کی بات یہ ہے کہ ان کا ریکارڈ اس بات کی گواہی نہیں دیتا کہ انہوں نے کس مشکل دور میں کارہائے نمایاں کارنامے سرانجام دی۔