لاہور (نیوز ڈیسک)پاکستان کرکٹ بورڈ کے چیئرمین پی سی بی شہریار خان نے نجی ٹی وی چینل سے گفتگو کرتے ہوئے کہا کہ انڈیا کے ساتھ کرکٹ کے معاملے پر بات چیت چل رہی ہے ابھی تک کوئی فیصلہ نہیں ہوا ہے تاہم کرکٹ کے معاملے میں ثالث جائلز کلارک سے بھی رابطہ کیا ہے ۔شہریار نے کہا ہے کہ پاک بھارت کرکٹ سیریز ایسا معمہ بن چکی ہے جو کہ حل ہونے کو ہی نہیں آ رہا،بھارت روایتی انداز میں تاحال ٹال مٹول سے کام لے رہا ہے۔ پی سی بی کے چئیرمین شہریار خان کا کہنا ہے کہ بی سی سی آئی کو حکومت کی جانب سے اجازت نہیں مل رہی ہے۔ انہوں نے کہا کہ ہم مزید 3 سے 4 روز تک انتظار کر لیں گے۔ شہریار خان کا کہنا تھا کہ تاخیری فیصلے سے مشکلات آئیں گی لیکن ہم انتظامات کر لیں۔