دبئی (نیوزڈیسک) آئی سی سی کی جانب سے پاکستان کو ٹیسٹ کرکٹ کی فروغ کیلئے سالانہ ساڑھے 12لاکھ ڈالر دینے کا اعلان کر دیاہے ۔تفصیلات کے مطابق پاکستان کرکٹ بورڈ کی آئندہ سال سے سالانہ آمدنی میں ساڑھے بارہ لاکھ ڈالرز اضافہ ہوجائے گا۔ آئی سی سی نے ٹیسٹ کھیلنے والے سات ملکوں کو ٹیسٹ میچوں کے فروغ کے لئے 2017ءسے 2023ءتک ایک کروڑ ڈالرز یا سالانہ ساڑھے بارہ لاکھ ڈالرز دینے کا اعلان کیا ہے۔واضح رہے کہ آئی سی سی نے گزشتہ سال یہ فنڈ قائم کیاتھا جس کا مقصد دنیا بھر میں ٹیسٹ کرکٹ کے مستقبل کو محفوظ بنانا ہے پاکستان کرکٹ بورڈ کو یہ خطیر رقم ٹیسٹ کرکٹ کی ترقی کیلئے خرچ کرنا ہو گی۔بگ تھری کی تشکیل کے بعد جو اصلاحات سامنے آئی تھیں اس کے مطابق بھارت، آسٹریلیا اور انگلینڈ سالانہ بیس سے زائد ٹیسٹ کھیلتے ہیں جب کہ پاکستان سمیت ٹیسٹ کھیلنے والے بقیہ سات ملکوں کو ایک خطیر رقم ٹیسٹ کرکٹ کے فروغ اور کرکٹ کی ترقی کیلئے دی جائے گی۔