لاہور(نیوزڈیسک) پاکستان کرکٹ ٹیم کے بیٹسمین عمر اکمل نے کہا ہے کہ ایساکوئی کام نہیں کیا جو قانون کے خلاف ہو، اگر مجھ پر کسی قسم کا کوئی الزام ہے توالزام کاجواب دوں گا،اپنے آپ کوکلیئر کراﺅں گا۔عمر اکمل نے وضاحت کرتے ہو ئے کہاہے کہ ہم کسی کے گھردعوت پر گئے، کھانا کھا کر واپس آگئے، اگر وہاں پولیس پہنچی تھی تو میرے علم میں یہ بات نہیں ہے۔ لاہور پہنچ کراس معاملے پر چیئرمین پی سی بی اور پی سی بی حکام سے بات کروں گا۔انہوں نے مزید کہا کہ ٹیم کے قوانین اورقواعدوضوابط کااحترام کرتا ہوں ۔