نیویارک(نیوزڈیسک)امریکہ میں کرکٹ کے فروغ کے لیے کرکٹ سٹارز اکٹھے ہو گئے تفصیلات کے مطابق ورلڈکرکٹ کے پرانے سٹارز آج کل امریکہ میں اکٹھے ہیں۔ سچن ٹنڈولکر اور شین وارن کی کپتانی میں نیویارک میں ایک ٹی ٹونٹی میچ کھیلا گیا جس میں شین وارن الیون نے کامیابی حاصل کی۔ میچ کی خاص بات شعیب اختر کی تیز رفتار گیند بازی تھی شعیب اختر انتہائی تیز رفتاری سے باﺅلنگ کرتے ہوئے کمارا سنگا کارا اور آسٹریلیا کے میتھیو ہیڈن کو نشانہ بنایا۔ کمارا سنگارا جو حال ہی میں ریٹائر ہوئے ہیں ابتدا میں ہی ایک تیز رفتار گیند پر کیچ دے بیٹھے جو پکڑا نہ جا سکا لیکن چالیس کے سکور میں شعیب اختر کی ایک تیز باﺅنسر کی زد میں آگئے ہیں اور آﺅٹ ہو گئے میتھیو ہیڈن کو بھی شعیب نے تیز شارٹ پچ گیند بھی معین خان کے ہاتھوں کیچ آﺅٹ کیا۔ سہواگ نے ٹنڈولکر کے ساتھ اوپن کرتے ہوئے تیز رفتار نصف سنچری سکور کی ٹنڈولکر الیون نے بیس اوورز میں 141رنز بنائے شین وارن الیون کی طرف سے رکی پونٹنگ اور کمارا سنگاکارا نے اچھی اننگز کھیلی اور ٹیم کی کامیابی میں اہم کردار ادا کیا۔ اگلا میچ بارہ نومبر کو امریکہ میں ہی کھیلا جائے گا