اسلام آباد(نیوز ڈیسک) بھارت سے جاری پہلے ٹیسٹ میں جنوبی افریقی کپتان ہاشم آملا انتہائی مضحکہ خیز انداز میں سٹمپڈ ہوئے۔ تفصیلات کے مطابق پروٹیز کپتان ہندوستانی آف سپنر روی چندرن کی گھومتی ہوئی گیند کو کھیلنے کے لیے ہاشم کریز سے باہر نکل آئے لیکن وہ چکمہ دیتی ہوئی وکٹ اور پیڈز کے درمیان سے وکٹ کیپر وردھیمان ساہا کی جانب گئی ، حیران کن طور پر وہ بھی گیند کو تھام نہیں پائے لیکن اچھلنے والی گیند ان کے سینے سے ٹکرانے کے بعد بیلز سے جا لگی ، جس پر مہمان بیٹسمین کو میدان بدر ہونا پڑ گیا ، بھارتی میڈیا کی جانب سے یہ دلچسپ منظر سٹیڈیم میں لگی ٹی وی سکرین پر کئی بار دکھایا گیا ۔