شارجہ(نیوز ڈیسک)شارجہ میں پاکستان اور انگلینڈ کے درمیان کھیلے جانے والے تیسرے اور آخری ٹیسٹ میچ کے پانچویں روز پاکستان کے 284 رنز کے ہدف کے تعاقب میں انگلینڈ کی بیٹنگ جاری ہے۔جمعرات کو میچ کے پانچویں روز اب سے کچھ دیر قبل انگلینڈ نے چھ وکٹوں کے نقصان پر 76 رنز بنائے تھے۔پانچویں اور آخری دن کے کھیل کے پہلے سیشن میں ہی انگلینڈ کی ٹیم مشکلات میں دکھائی دے رہی ہے اور یکے بعد دیگرے اس کی چار وکٹیں گر چکی ہیں۔اب سے کچھ دیر قبل انگلینڈ سمیت پٹیل اور جانی بیرسٹو بغیر کوئی رنز بنائے آؤٹ ہوئے۔آؤٹ ہونے والے چوتھے بلے باز جیمز ٹیلر تھے جو دو رنز بنا کر ذوالفقار بابر کی گیند پر آؤٹ ہوئے۔انگلینڈ کی جانب سے کپتان الیسٹر کک اور جو روٹ نے دوسری اننگز کا دوبارہ آغاز کیا تاہم جو روٹ کریز پر زیادہ دیر نہ رک سکے اور یاسر شاہ کی گیند پر ایل بی ڈبلیو ہو گئے۔