کراچی(نیوز ڈیسک)پاکستان کرکٹ ٹیم کے منیجر انتخاب عالم کا کہنا ہے کہ یونس خان جس طرح کا کرکٹر ہے اس طرح کے کھلاڑی میں نے بہت کم دیکھے ہیں۔یونس خان کی پرو فیشنل ازم کمال ہے۔میں انہیں دیگر کھلاڑیوں سے اوپر کا درجے دیتا ہوں۔اسے پتہ ہے کہ اپنا خیال کس طرح رکھا جاتا ہے۔انہوں نے کہا کہ اسے ون ڈے میں کھلانا سلیکٹرز کا کام ہے۔ہوسکتا ہے کہ ہارون رشید بات کرکے بہترین ٹیم تشکیل دیں۔اگر وہ ٹیسٹ میں اسکور کررہے ہیں تو اسے ون ڈے میں بھی سلیکٹرز موقع دے سکتے ہیں۔لیکن سلیکشن کے معاملات سے میرا کوئی تعلق نہیں ہوتا۔