لاہور (نیوزڈیسک) ٹیسٹ کرکٹ میں شاندار کارکردگی کا مظاہرہ کرنے پرسلیکشن کمیٹی نے یونس خان کو انگلینڈ کے خلاف ون ڈے سیریز میں شامل کرنے کا فیصلہ کر لیا ہے۔ تفصیلات کے مطابق سلیکشن کمیٹی نے انگلینڈ کے خلاف ون ڈے اور ٹی 20 سیریز کیلئے مشاورت مکمل کر لی ہے اور ٹیم انتظامیہ سے 20 ممکنہ کھلاڑیوں پررائے بھی طلب کر لی گئی ہے۔ذرائع کے مطابق سلیکشن کمیٹی نے یونس خان کو ون ڈے سکواڈ میں شامل کرنے کافیصلہ کر لیا ہے جبکہ رفعت اللہ کو ٹی 20 سکواڈ میں شامل کئے جانے کا امکان ہے۔ نجی ٹی وی اے آر وائی نیوز کے مطابق احمد شہزاد کو ٹیم سے ڈراپ کئے جانے کا امکان ہے جبکہ بلال آصف کی شمولیت ان کے باؤلنگ ایکشن کی کلیئرنس سے مشروط ہے۔