دبئی(آن لائن) پاکستان ٹیسٹ کرکٹ ٹیم کے کھلاڑی یونس خان نے انگلینڈ کے گراہم گوچ کا 8900رنز کا ریکارڈ توڑ کر زیادہ رنز بنانے والوں کی فہرست میں 14ویں نمبر پر آ گئے۔ یونس خان نے گراہم گوچ کا یہ ریکارڈ انگلینڈ کے خلاف دبئی میں کھیلے جانے والے دوسرے ٹیسٹ میچ میں توڑا ہے۔ یونس خان 8900سے زائد رنز بنانے والے دنیا کے 14ویں بلے باز بن گئے ہیں۔ انگلینڈ کے گراہم گوچ نے 118 ٹیسٹ میچز میں 8900رنزبنائے تھے۔ یونس خان اس سے قبل پاکستان کی جانب سے بھی سب سے زیادہ رنز بنانے والے کھلاڑی بن چکے ہیں انہوں نے جاوید میانداد کا ریکارڈ توڑ کر یہ اعزاز حاصل کیا۔