ڈھاکہ(نیوز ڈیسک)پاکستان ٹی ٹوینٹی ٹیم کے کپتان شاہد آفریدی بنگلہ دیش پریمیئر لیگ میں سلہٹ سْپر اسٹارز کی جانب سے جبکہ شعیب ملک کومیلا وکٹوریئنز کی طرف سے ایکشن میں نظر آئیں گے۔بنگلہ دیش پریمیئر لیگ 22نومبر سے شروع ہوگی، بی پی ایل کیلئے کھلاڑیوں کا ڈرافٹ پول بھی تیار کرلیا گیا ہے۔ پول میں پاکستان کے 52کھلاڑی شامل ہیں، پاکستان کے شاہد آفریدی اور شعیب ملک ڈرافٹ پول میں شامل نہیں ہوں گے۔ شاہد آفریدی نے سلہٹ سْپراسٹارز کی ٹیم سے معاہدہ کرلیا ہے اور شعیب ملک کومیلا وکٹورین کی جانب سے ایکشن میں ہوں گے۔ کرس گیل، کمار سنگا کارا اور تلکارتنے دلشان بھی مختلف فرنچائز کے ساتھ براہ راست معاہدوں پر دستخط کرچکے ہیں۔