دبئی(آن لائن) سابق پاکستانی کپتان وسیم اکرم نے کہا ہے کہ زمبابوے کیخلاف نا قابل شکست ڈبل سنچری کے بعد بڑی اننگز کھیلنے سے توبہ کر لی تھی ، 10 گھنٹے بیٹنگ کے باعث اتنی شدت سے کریمپس پڑے کہ 2ماہ تک سنبل نہیں پایا تھا، میڈیا سے گفتگو کرتے ہوئے ۔ وسیم اکرم نے کہا کہ 1996ئ میں شیخو پورہ میں زمبابوے کے خلاف انہوں نے ناٹ آو¿ٹ 257 رنز بنائے لیکن وہ نہیں جانتے کہ انہوں نے کیسے 10 گھنٹوں تک بیٹنگ کی۔ وسیم اکرم کے مطابق اس اننگز کے بعد ان کے جسم کے مسلز میں کریمپس پڑ گئے ، ڈبل سنچری کے بعد وہ تقریباٰ دو ماہ تک متاثر رہے جس کے بعد انہوں نے فیصلہ کیا کہ اب اتنی بڑی اننگز نہیں کھیلنی۔ وسیم اکرم کا مزید کہنا تھا کہ انہیں عمران خان جیسے عظیم استاد میسر آئے جو آن اور آف دی فیلڈ ناقابل یقین تھے ، عمران نے ان کی بڑی مدد کی ، وسیم اکرم کے مطابق ٹیلنٹ تو ہمیشہ سے ہی موجود تھا مگر سخت محنت ہی آپ کو اگلے15سے20برس تک لے جاتی ہے ، ان کے کیریئر میں عمران خان، جاوید میانداد اور مدثر نذر جیسے استادوں کا کافی عمل دخل رہا ۔