اسلام آباد (نیوز ڈیسک )پاکستان کرکٹ بورڈ نے یونان کی کرکٹ ٹیم کے دورہ پاکستان کے بارے میں اپنے اعلامیہ میں کہا ہے کہ یونا ن کی ٹیم کا دورہ پاکستان پرائیویٹ نوعیت کا ہے لہذا پی سی بی اس ٹیم کے دورہ کے دوران کئے جانے والے سکیورٹی، انتظامات، میچوں ، ٹرانسپورٹیشن یا کسی وینیو کی ذمہ دار نہیں ہے۔ بورڈ کا کہنا ہے کہ دورہ کے لئے ان کی رائے لی گئی تھی مگر بورڈنے ٹیم کے دورہ پاکستان کو سپورٹ سے انکار کر دیا تھا۔ اس کی اطلاع ٹیم کی آمد سے قبل یونان کرکٹ حکام کو بھی دے دی گئی تھی۔بورڈ کا کہنا ہے کہ وہ اس دورہ میںکسی طرح سے ملوث نہیں ہیں۔