ہرارے(نیوزڈیسک)زمبابوے کے خلاف خزاںکے پتوں کی طرح بکھرتی بیٹنگ لائن کو مضبوط سہارے دینے والے شعیب ملک نے میچ نہ جیتنے پر قو م سے معذرت کرلی ہے اور عامر یامین کی اچھی کارکردگی پر ان کی تعریف کی ہے۔انہوں نے کہا کہ انشا ءاللہ اگلا میچ جیت کر ٹی20کی طرح ون ڈے سیریز بھی اپنے نام کر یں گے۔یاد رہے کپتان اظہر علی، اسد شفیق، سرفراز احمد، محمد رضوان اور اپنا پہلا میچ کھیلنے والے بیٹسمین بلال آصف 10 کا ہندسہ بھی عبور نہیں کر پائے۔ محمد حفیظ کی مزاحمت بھی 27رنز تک محدود رہی۔ سٹار آل راﺅنڈر شعیب ملک نے نوجوان کھلاڑی عامر یا مین کے ہمراہ 111 رنز کی شراکت قائم کی جس نے پاکستان کی جیت کی امیدوں کو سہارا دیا لیکن عامر یامین 62 کے سکور پر شعیب ملک کا ساتھ چھوڑ گئے۔شعیب ملک نے ٹیل اینڈرز کے ساتھ مل کر پاکستان کو جیت کی طرف گامزن کیا اور میچ دلچسپ مرحلے میں داخل ہو گیا۔ میچ جب پاکستان کی گرفت میں آیا تو زمبابوے کے فیلڈرز نے کم روشنی کی شکایت کی اور میدا ن سے باہر چلے گئے اور پاکستان کو 5رنز کی شکست کا سامنا کرنا پڑا۔