دبئی (آن لائن) آئی سی سی چیمپئینز ٹرافی کی کٹ آف ڈیٹ ختم ہوگئی۔ پاکستان نے آٹھویں پوزیشن پر رہتے ہوئے دو ہزار سترہ چیمپئینز ٹرافی کے لئے کوالیفائی کرلیا۔ تفصیلات کے مطابق انٹر نیشنل کرکٹ کونسل (آئی سی سی ) نے چیمپئنز ٹرافی 2017ءکے لیے 8ٹیموں کا اعلان کر دیا ہے۔ آئی سی سی کی جانب سے جاری کردہ بیان کے مطابق ایونٹ میں ٹاپ 8ٹیمیں شرکت کر یں گی جن میں جنوبی افریقہ ، آسٹریلیا ، بھارت ، انگلینڈ ، بنگلہ دیش ، پاکستان ،نیوزی لینڈ اور سری لنکا شامل ہیں۔ پاکستان نے ویسٹ انڈیز کو پیچھے چھوڑتے ہوئے و ن ڈے رینکنگ میں 8ویں پوزیشن سنبھال لی ہے جس کے بعد وہ چیمپئنز ٹرافی 2017ء میں شرکت کا اہل ہوا ہے۔رواں سال کے آغاز میں پاکستان بنگلہ دیش سے شکست کے بعد رینکنگ میں نویں پوزیشن پر چلا گیاتھا تاہم سری لنکا کے خلاف اس کی سرزمین پر ون ڈے سیریزمیں تین دو سے کامیابی حاصل کرکے رینکنگ میں اٹھویں پوزیشن پر آگیا۔ٹاپ آٹھ ٹیموں کا یہ ایونٹ آخری بار کھیلا جائے گا جس کے بعد ٹیسٹ چیمپئین شپ کا آغاز ہوگا جس میں ٹاپ چار ٹیمیں شرکت کریں گی۔