ساو¿ پاو¿لو(نیوزڈیسک)ٹیکس چوری کے الزام میں عالمی شہرت یافتہ اوربرازیل کے اسٹار فٹ بالر نیمار کے تمام اثاثے منجمد کردیئے گئے ہیں جس نے ان کے کاروبار کو شدید متاثر کیا ۔عالمی میڈیا کے مطابق بارسلونا کے اسٹائیکر 23 سالہ نیمار پر ٹیکس چوری کے الزام میں ان کے اثاثے جن کی کل مالیت 4 کروڑ 76 لاکھ ڈالر ہے منجمد کردیئے گئے ہیں اور انہیں ہر قسم کی مالی ٹرانزیکشن سے روک دیا ۔ رپورٹ کے مطابق نیمار پر الزام ہے کہ انہوں نے 2011 سے 2013 کے درمیان ایک کروڑ 60 لاکھ ڈالرمالیت کی ٹیکس چوری کی اور یہ چوری اس وقت کی گئی جب وہ سینٹوز کلب چھوڑ کر بارسلونا کلب جوائن کر رہے تھے۔برازیل کے شہر ساو¿پاو¿لو کی عدالت کا کہنا ہے کہ سیکورٹی نقطہ نظر سے نیمار کے اثاثے منجمد کئے گئے تاکہ وہ انہیں کیس کے دوران نہ بیچ سکیں تاکہ ان سے ٹیکس چوری اور جرمانے کی رقم وصول کی جاسکے۔ جج کے مطابق نیمار بیرون ملک سے حاصل ہونے والی انکم کا ریکارڈ پیش نہ کر سکے۔ عدالت نیمار اور ان کے والد کے کئی اثاثوں کی چھان بین کر رہا ہے جن کی مالیت 2013 کے اختتام پر 5 کروڑ 70 لاکھ تھی۔دوسری جانب نیمار کے والدین کا میڈیا سے بات کرتے ہوئے کہنا تھا کہ ان کے بیٹے نے ٹیکس چوری نہیں کی اور نہ ہی وہ اس بزنس کا حصہ ہے جس کا ذکر عدالت نے اپنے فیصلے میں کیا ۔