پاکستان کے بعد بنگلہ دیش کے میدان بھی انٹرنیشنل کرکٹ کیلئے بند

27  ستمبر‬‮  2015

سڈنی(نیوزڈیسک) پاکستان کے بعد بنگلہ دیش کے میدان بھی انٹرنیشنل کرکٹ کیلئے بند،آسٹریلین کرکٹ بورڈ نے سیکیورٹی خدشات کے پیش نظر اپنی ٹیم کو بنگلا دیش نہ بھیجنے کا فیصلہ کیا ہے۔کرکٹ آسٹریلیا کے چیف ایگزیکٹو جیمز سدرلینڈ کا کہنا ہے کہ سیکیورٹی کے حوالے سے متعدد حکومتی ہدایات کے بعد اپنی ٹیم کو بنگلادیش بھیجنے کا فیصلہ موخر کردیا ہے۔ ان کا کہنا تھا کہ ہمیں دفتر خارجہ کی جانب سے ہدایات ملی ہیں کہ بنگلا دیش میں آسٹریلین ٹیم کے لئے سیکیورٹی خدشات موجود ہیں اور آسٹریلوی کھلاڑیوں پر حملہ کیا جاسکتا ہے لہذا بنگلا دیش کرکٹ بورڈ دورے کے لئے سیکیورٹی پلان پر نظر ثانی کرے۔ ہم چاہتے ہیں کہ ٹور ہو اور اس کے لئے لائحہ عمل بھی ترتیب دے رہے ہیں لیکن کھلاڑیوں اور ٹیم آفیشلز کی جان و مال کا تحفظ ہماری اولین ترجیح ہے اور اس پر کوئی سمجھوتہ نہیں ہو سکتا۔جیمز سدر لینڈ کا کہنا تھا کہ ٹیم کو بنگلادیش بھیجنے سے پہلے سیکیورٹی صورت حال کو یقینی بنایا جائے گا اور تمام کھلاڑیوں اور آفیشلز کو اس حوالے سے ہونے والی پیش رفت سے آگاہ بھی رکھا جائے گا۔ دوسری جانب بنگلا دیش کرکٹ بورڈ کے حکام کا کہنا ہے کہ آسٹریلین کرکٹ بورڈ کے فیصلے سے بہت حیرانی ہوئی ہے، سیکیورٹی کے حوالے سے کوئی خدشہ نہیں تھا۔واضح رہے کہ آسٹریلین ٹیم کا دورہ بنگلادیش 3 اکتوبر سے وارم اپ میچ کے ذریعے شروع ہونا تھا جس کے بعد دونوں ٹیموں کے درمیان 2 ٹیسٹ میچ شیڈول تھے۔ آسٹریلیا نے آخری مرتبہ 2006 میں بنگلادیش میں ٹیسٹ سیریز کھیلی تھی۔



کالم



شاہ ایران کے محلات


ہم نے امام خمینی کے تین مرلے کے گھر کے بعد شاہ…

امام خمینی کے گھر میں

تہران کے مال آف ایران نے مجھے واقعی متاثر کیا…

تہران میں تین دن

تہران مشہد سے 900کلو میٹر کے فاصلے پر ہے لہٰذا…

مشہد میں دو دن (آخری حصہ)

ہم اس کے بعد حرم امام رضاؒ کی طرف نکل گئے‘ حضرت…

مشہد میں دو دن (دوم)

فردوسی کی شہرت جب محمود غزنوی تک پہنچی تو اس نے…

مشہد میں دو دن

ایران کے سفر کی اصل تحریک حسین باقری ہیں‘ یہ…

ہم کرنا ہی نہیں چاہتے

وہ وجے تنوار تھا‘ ذات کا گجر تھا‘ پیشہ پہلوانی…

ٹھیکیدار

یہ چند سال پہلے کی بات ہے اور شہر تھا وینس۔ وینس…

رضوانہ بھی ایمان بن سکتی تھی

یہ کہانی جولائی 2023 ء میں رپورٹ ہوئی تھی‘ آپ…

ہم مرنے کا انتظار کیوں کرتے ہیں؟

’’میں صحافی کیسے بن گیا؟‘‘ میں جب بھی اس سوال…

فواد چودھری کا قصور

فواد چودھری ہماری سیاست کے ایک طلسماتی کردار…