ہرارے(نیوزڈیسک) پاکستان نے میزبان زمبابوے کو پہلے ٹی ٹوئنٹی میچ میں 13 رنز سے شکست دے کر 2 میچز پر مشتمل سیریز میں 0-1 کی برتری حاصل کرلی۔ہرارے اسپورٹس کلب میں کھیلے گئے پہلے ٹی 20 میچ میں قومی ٹیم کے کپتان شاہد خان آفریدی نے ٹاس جیت کر پہلے بیٹنگ کا فیصلہ کیا تو مقررہ اوورز میں گرین شرٹس نے 8 وکٹوں کے نقصان پر136 رنز بنائے۔ میزبان ٹیم نے ہدف کے تعاقب میں محتاط انداز میں بیٹنگ کا ا?غاز کیا تو وقفے وقفے سے وکٹیں گرتی چلی گئیں اور پوری ٹیم 123 رنز بنا کرپویلین لوٹ گئی۔ یملٹن مساکدزا 25، کریگ ایرون 11، سکندر رضا 13، سین ولیمز 14، رچمنڈ متمبامی 9، لیوک جانگوے 2، چامو چیباہا اور گریم کریمر بغیر کوئی رنز بنائے ا?و¿ٹ ہوئے، پاکستان کی جانب سے عماد وسیم نے 4، ویاب ریاض اور سہیل تنویر نے ایک ایک وکٹ حاصل کی۔ میچ میں بہترین کارکردگی پیش کرنے پر عماد وسیم کو مین ا?ف دی میچ کے اعزاز سے نوازا گیا جنہوں نے 11 رنز دے کر4 وکٹیں حاصل کیں۔اس سے قبل قومی ٹیم نے پہلے بیٹنگ کی تو مختاراحمد اوراحمد شہزاد نے اننگز کا آغاز کیا اور21 رنز کی شراکت قائم کی، احمد شہزاد پاکستان کے پہلے آو¿ٹ ہونے والے کھلاڑی تھے جنہوں نے 17 رنز بنائے، 25 رنز کے مجموعی اسکور پر مختار احمد بھی چلتے بنے انہوں نے 4 رنز بنائے، فٹنس مسائل سے چھٹکارا پاکر ٹیم میں دوبارہ جگہ بنانے والے صہیب مقصود بھی کچھ نہ کرسکے اور 29 رنز کے مجموعی اسکور پر وہ بھی پویلین لوٹ گئے۔مشکل حالات میں شعیب ملک اور عمر اکمل نے ٹیم کو سہارا دیا اور چوتھی وکٹ کی شراکت پر 42 رنز بنائے، 71 رنز کے مجموعی اسکور پر عمر اکمل آو¿ٹ ہوگئے۔ 87 رنز پر شعیب ملک کی صورت میں پاکستان کا 5واں کھلاڑی آو¿ٹ ہوا۔ اس موقع پر محمد رضوان اور عماد وسیم نے تیز کھیلتے ہوئے اسکور کو 133 رنز تک پہنچایا۔ عماد وسیم 19 رنز بناکر آو¿ٹ ہوئے جس کے بعد شاہد آفریدی بھی صرف 2 رنز ہی بناسکے، اس طرح پاکستان نے مقررہ اوورز میں8 وکٹوں کے نقصان پر 136 رنز بنائے۔واضح رہے کہ پاکستان کی جانب سے زمبابوے کے خلاف ٹی ٹوئنٹی فارمیٹ میں 136 رنزکم ترین اسکور ہے۔