اسلا م آباد( ویب ڈیسک) کنگز پنجاب الیون کی شریک مالک پریتی زنٹا نے آئی پی ایل میں میچ فکسنگ کا انکشاف کرتے ہوئے کہا ہے کہ کنگز الیون پنجاب کے کچھ کھلاڑی مشکوک سرگرمیوں میں ملوث پائے گئے جس سے لگتا ہے کہ میچز کو فکس کیا گیا ہے ، بھارتی اینٹی کرپشن بورڈ کی ٹیم نے اس کیخلاف کوئی کام نہیں کیا ، انڈین ایکسپریس کے مطابق  آئی پی ایل ٹیم کی مالک پریتی زنٹا نے اس مہینے ایک میٹنگ کے دوران بی سی سی آئی کے حکام کو اس بارے میں آگا ہ کیا تھا ، 8اگست کو آئی پی ایل کی ورکنگ گروپ کی میٹنگ کے دوران پریتی زنٹا نے حکام کو بتایا کہ انہوں نے چند کھلاڑیوں کو مشکوک سرگرمیوں میں ملوث پایا وہ اس بارے میں پہلے بتانا چاہتی تھیں لیکن ثبوت نہ ہونے کی بنا پر وہ چپ رہیں ، انڈین ایکسپریس ذرائع کے مطابق پریتی زنٹا نے یہ بھی انکشاف کیا ہے کہ آئی پی ایل کے کچھ میچز جن میں ان کے ٹیم کے میچز بھی شامل ہیں پہلے سے ہی فکس تھے ،

مزید پڑھے: عمرا ن خان اورریحام خان میں دوریاں ،دونوں الگ الگ کیوں رہ رہے ہیں ؟ ایک دلچسپ انکشاف

دوسری طرف پریٹی زنٹا نے مائیکرو بلانگ ویب سائیٹ ٹویٹر پر اپنے ٹویٹ میں انڈین ایکسپریس کی اس خبر کو سختی سے مسترد کرتے ہوئے کہا ہے کہ یہ سراسر بے بنیاد اور جھوٹی خبر ہے میں نے اس بارے میں کوئی انکشاف نہیں کیا نہ ایسی کوئی سرگرمی دیکھنے کو ملی ہے ، انہوں نے میڈیا کو سخت آڑے ہاتھوں لیتے ہوئے کہا کہ بغیر تصدیق اور درست حوالے کے میڈیا جھوٹی خبریں چلانے سے گریز کیا کرے ، پریتی زنٹی نے لکھا ہے کہ بی سی سی آئی کی میٹنگ میں انہوں نے صرف ایسے کاموں کو روکنے کیلئے موثر حکمت عملی کا مشورہ دیا تھا، خیال رہے کہ بھارت میں ہونے والی انڈین پریمئر لیگ کو اس سے پہلے بھی میچ فکسنگ الزامات کا سامنا کرتے ہوئے سبکی کا سامنا کرنا پڑا تھا