مونٹریال(نیوزڈیسک)برطانوی ٹینس اسٹاراینڈی مرے نے عالمی نمبرایک نوواک جوکووچ کوشکست دیکرراجرزکپ کا ٹائٹل جیت لیا۔ ویمنزایونٹ سوئٹزرلینڈ کی بیلینڈا بینچچ کے نام رہا۔ ا ینڈ ی مرے نوواک جوکووچ کیخلاف جیت کا طویل قحط ختم کرنے میں کامیاب ہوگئے، مرے نے مونٹریال میں کھیلے جانے والے ماسٹرزایونٹ کے فائنل میں ورلڈ نمبرون نوواک جوکووچ کوشکست دے کرکینیڈین ہارڈ کورٹ پرتیسرا ٹائٹل جیت لیا،مرے نے تین گھنٹے تک جاری رہنے والے میچ میں چھ چار، چارچھ اورچھ تین سے فتح سمیٹی، اینڈی مرے پچیس ماہ اورآٹھ میچزکے بعد جوکووچ کوشکست دینے میں کامیاب ہوئے، ادھرٹورنٹومیں کھیلا جانے والا ویمنزایونٹ سوئس ٹین ایجربیلینڈا بینچچ کے نام رہا، سیکنڈ سیڈ سیمونا ہالپ انجری کے باعث کھیل جاری نہ رکھ سکیں اورتیسرے سیٹ میں ریٹائرہوگئیں، بینچچ کی فتح کا اسکورسات چھ، چھ سات اورتین صفررہا، سوئس کھلاڑی نے سیمی فائنل میں ورلڈ نمبرون سیرینا ولیمزاوراس سے قبل دوسابق عالمی نمبرایک کیرولین ووزنیاکی اوراینا ایوانووچ کوشکست دی۔