سڈنی(نیوز ڈیسک)سابق کینگرو پیسر نیتھن بریکن کی اہلیہ ہیلی بریکن نے آسٹریلین ٹیم کے ساتھ بیویوں اور گرل فرینڈز کی موجودگی کے حوالے سے تاریک پہلوو¿ں کی نشاندہی کرتے ہوئے کہا ہے کہ موجودہ آسٹریلین کرکٹ ٹیم میں اتحاد کا تصور ہی درست نہیں کیونکہ ٹیم میں جگہ بنانے کیلئے کھینچا تانی رقابت کو جنم دے رہی ہے۔ انہوں نے کینگرو اسکواڈ کو زہریلے سانپوں کا گھونسلہ قرار دیتے ہوئے واضح کیا کہ میدان میں بیٹھی آسٹریلین کھلاڑیوں کی بیویاں اور گرل فرینڈز ٹی وی پر میچ دیکھنے والوں کو یہ تاثر دے رہی ہوتی ہیں کہ ان میں بے پناہ ہم آہنگی، یگانگت اور محبت ہوگی لیکن سچائی اس کے بالکل برعکس ہے۔ انہوں نے اپنی بات کی وضاحت کرتے ہوئے کہا کہ بعض کھلاڑیوں کی بیویاں نئے کھلاڑیوں کی آمد کے بعد اپنے شوہروں کے مستقبل کے حوالے سے عدم تحفظ کا شکار ہیں جس کی وجہ سے وہ نئے کھلاڑیوں کی گرل فرینڈز کے ساتھ تعلقات میں سرد مہری کا مظاہرہ کرتی ہیں۔ ہیلی بریکن نے اس عداوت کا الزام براہ راست کرکٹ آسٹریلیا کے سر منڈھ دیا جس کے ساتھ ان کے شوہر نیتھن بریکن کی طویل عرصے سے جاری قانونی جنگ حال ہی میں ختم ہوئی ہے۔ ان کا کہنا تھا کہ موجودہ ٹیم کے کھلاڑی حریفوں کے بجائے ایک دوسرے سے مقابلے میں مصروف ہیں جبکہ یہ تصور بھی سچائی سے بہت دور کی بات ہے کہ ا?سٹریلین ٹیم میں بڑا اتحاد اور بھائی چارہ ہے کیونکہ ہر کوئی اس حوالے سے فکرمند ہے کہ فلاں شخص اس کی جگہ حاصل کر لے گا اور اس دباو¿ نے ان کی پارٹنرز میں بھی عداوت پیدا کر دی ہے۔