لاہور (نیوز ڈیسک)مونٹریال میں جاری ٹینس کے ماسٹرز ایونٹ راجرز کپ میں نوواک جکووچ، اینڈی مرے اور رافیل نڈال نے کوارٹر فائنلز میں جگہ بنا لی ہے۔ تفصیلات کے مطابق یو ایس اوپن سے قبل کھیلے جانے والے دوسرے آخری ماسٹرز ٹورنامنٹ میں سربیا کے عالمی نمبر ایک اور ٹاپ سیڈ نوواک جاکووچ نے تیسرے راو¿نڈ میں امریکا کے جیک ساک کو ہرا دیا ہے۔ صرف 54منٹ تک جاری رہنے والے مقابلے میں انہوں نے 2-6اور 1-6 سے فتح اپنے نام کی۔ برطانیہ کے سیکنڈ سیڈ اینڈی مرے نے لگزمبرگ کے جلز ملر کو شکست دی۔ ان کا سکور3-6 اور2-6 رہا۔سپین کے رافیل نڈال نے روس کےمیخائل یوزنی کو ہرایا۔ انہوں نے 3-6 اور3-6 کے سکور سے کوارٹر فائنل میں جگہ بنائی۔ امریکا کے جان ازنر نے ا?سٹریلیا کے نک کرگیاس کو 5-7 اور3-6 سے شکست دی۔ جاپان کے کائی نیشی کوری، لیٹویا کے ارنیسٹ گلبس، فرانس کے جیریمی شارڈی اور جو ولفرائیڈ سونگا بھی اپنے میچز جیت کر کوارٹر فائنلز میں پہنچ گئے۔