اسلام آباد(نیوز ڈیسک)اسلام آباد ٹینس ایسوسی ایشن کے زیراہتمام جشن آزادی ٹیلی نار ویمن ٹینس کپ 14 اگست کو صبح 9 بجے سے اسلام آباد ٹینس کورٹ جی سکس ، اسلام آباد میں کھیلا جائے گا،ٹورنامنٹ کے چیف آرگنائزر فضل سبحان نے بتایاکہ ٹورنامنٹ میں اسلام آباد، راولپنڈی، چکوال ، اٹک، جہلم اورواہ کینٹ کی خواتین کھلاڑی شرکت کریں گی، انہوں نے کہاکہ ٹورنامنٹ میں شرکت کرنے والی خواتین کھلاڑیوں سے درخواست کی ہے کہ وہ اپنے نام14 اگست صبح 8 بجے تک رجسٹرڈ کروا سکتی ہیں،ٹورنامنٹ میں دو کیٹگریز کے مقابلے ہونگے جن میں لیڈیز سنگلز اور لیڈیز ڈبلز شامل ہیں، فضل سبحان نے بتایا کہ ٹورنامنٹ کے انتظامات کے سلسلہ میں آرگنائزنگ کمیٹی کا اجلاس 12 اگست کو ہوگا۔ جس میں انتظامات کو آخری شکل دی جائےگی۔