کولمبو(نیوز ڈیسک)سری لنکا نے بھارت کے خلاف شیڈول ٹیسٹ سیریز کے لیے اپنا 16رکنی اسکواڈ کا اعلان کردیا ہے۔ لنکن ٹیم میں ان کیپڈ لیفٹ فارم فاسٹ باؤلر وشوا فرنینڈو کو ٹیم میں طلب کر لیا گیا ہے، جبکہ شامندا ایرنگا اور سرنگا لکمل فٹنس مسائل کے باعث ٹیم کو دستیاب نہیں ہوں گے۔ سری لنکا اور بھارت کے درمیان ٹیسٹ سیریز کا آغاز 12اگست سے ہوگا اور اس سیریز کی خاص بات اسٹار بلے باز کمار سنگاکارا کی ریٹائرمنٹ ہے، جو بھارت کے خلاف دوسرے ٹیسٹ کے بعد انٹرنیشنل کرکٹ سے ہمیشہ کے لئے رخصت ہو جائیں گے۔ فرنینڈو کو 2014ء میں پاکستان اور بنگلہ دیش کے خلاف سیریز کے لیے اسکواڈ میں شامل کیا گیا تھا، تاہم انہیں ڈیبیو کرنے کا موقع نہیں ملا تھا۔ ایرنگا اور لکمل کی عدم دستیابی کے باعث دھمیکا پراساد اب سری لنکن فاسٹ باو لرز کو لیڈ کریں گے، تاہم اسپنرنز اٹیک میں رنگناہیراتھ، دلروون پریرا اور تھارندو کوشال اسکواڈ میں جگہ برقرار رکھنے میں کامیاب رہے ہیں۔