لاہور(نیوزڈیسک)پاکستان کرکٹ بورڈ نے آئندہ ماہ ہونے والا زمبابوے کا دورہ ملتوی کردیا جسے دونوں بورڈ کی باہمی رضا مندی سے ملتوی کیا گیا ۔ذرائع کے مطابق اگست اور ستمبر کے دوران قومی کرکٹ ٹیم نے ون ڈے اور ٹی ٹوئنٹی سیریز کےلئے زمبابوے کا دورہ کرنا تھا جو دونوں بورڈز نے باہمی رضامندی سے ملتوی کردیا پاکستانی ٹیم دستیاب وقت میں زمبابوے کا دورہ کرے گی۔ ذرائع کے مطابق زمبابوے کرکٹ بورڈ کو سیریز کے لیے اسپانسرز، براڈکاسٹنگ سے متعلق دشواری کا سامنا تھا۔واضح رہے قومی کرکٹ ٹیم نے اگست اور ستمبر میں زمبابوے کا جوابی دورہ کرنا تھا اور اس دوران پاکستان، زمبابوے اور ویسٹ انڈیز کے درمیان ٹرائنگولر سیریز کھیلنی تھی۔