لاہور(نیوزڈیسک)چیمپئنزٹرافی،دورہ زمبابوے، پی سی بی کے اعلان نے سب کو چونکادیا،پاکستان کرکٹ ٹیم نے اگست ستمبر میں زمبابوے کا دورہ کرناتھا جسے ملتوی کردیاگیاہے، پاکستان کرکٹ ٹیم آئندہ کسی بھی دستیاب وقت میں زمبابوے کا دورہ کرے گی ، پی سی بی ذرائع کے مطابق سیریز ملتوی کرنے کا فیصلہ پاکستان اور زمبابوے کرکٹ بورڈ نے باہمی صلاح و مشورہ سے کیا ہے ۔ واضح رہے کہ پاکستان اس وقت چیمپئنز ٹرافی میں کوالیفائی کرنے کے لئے آٹھویں نمبر پر موجود ہے اور زمبابوے میں منعقد ہونے والی متوقع سہ ملکی سیریز میں ویسٹ انڈیز کی شرکت سے پاکستان کی چیمپئنز ٹرافی میں شرکت پر سوال اٹھ رہے تھے اگر اس سہ ملکی سیریز میں پاکستان کی ٹیم بہتر کارکردگی دکھانے میں ناکام ہوجاتی تو پاکستان چیمپئنز ٹرافی سے باہر ہوسکتاتھا۔