لندن (نیوزڈیسک)بھارتی کرکٹ بورڈ کی جانب سے انگلینڈ پرپاکستان سے سیریز نہ کھیلنے کیلئے دباو ڈالنے کا انکشاف ہوا ہے۔ایک ویب کے مطابق بی سی سی آئی کی جانب سے تمام کرکٹ بورڈز پر پریشر ڈالا جارہا ہے کہ وہ ایسے ممالک کے ساتھ سیریز نہ کھیلیں جن کے نشریاتی حقوق ٹین اسپورٹس کے پاس ہیں کیونکہ وہ مبینہ طور پر ایک باغی کرکٹ لیگ متعارف کرانے جارہا ہے۔اسی وجہ سے پاکستان کی انگلینڈ کے ساتھ اکتوبر نومبر میں سیریز کا شیڈول جاری ہونے میں بھی تاخیر ہوئی۔ یاد رہے کہ پی سی بی کا ٹین اسپورٹس کے ساتھ 5 سالہ معاہدہ ہے۔