کولمبو (نیوز ڈیسک) سری لنکا نے چوتھے ون ڈے میں پاکستان کیخلاف ٹاس جیت کر بیٹنگ کا فیصلہ کیا ہے، گرین شرٹس میں کوئی تبدیلی نہیں کی گئی، کپتان میچ جیت کر چیمپئنز ٹرافی میں شرکت یقینی بنانے کیلئے پر عزم ہیں۔سری لنکا کے پریما داسا کرکٹ اسٹیڈیم میں چوتھے ون ڈے کا ٹاس سری لنکن قائد نے جیتا، انجیلو میتھیوز نے بیٹنگ کا فیصلہ کیا۔پاکستانی کپتان اظہر علی نے اس موقع پر گفتگو کرتے ہوئے بتایا کہ گرین شرٹس ٹیم میں کوئی تبدیلی نہیں کی گئی، انہوں نے میچ جیت کر سیریز اپنے نام کرنے اور چیمپئنز ٹرافی میں جگہ بنانے کے عزم کا بھی اظہار کیا۔