لاہور(نیوزڈیسک)سری لنکن کرکٹ بورڈ کی عبوری کمیٹی کے چیئرمین سدھاتھ ویٹمنی نے گزشتہ روز چیئرمین پاکستان کرکٹ بورڈ شہریار خان سے نیشنل کرکٹ اکیڈمی میں ملاقات کی ۔ اس موقع پر سری لنکن کرکٹ بورڈ کے عہدیدارپرسانا جیا وردھنے ،پی سی بی کے چیف آپریٹنگ آفیسر سبحان احمد ،ڈائریکٹر ڈومیسٹک کرکٹ انتخاب عالم اور دیگر بھی موجود تھے ۔ چیئرمین پی سی بی کی طرف سے سری لنکن کرکٹ بورڈ کے ذمہ داران کے اعزاز میں ظہرانہ بھی دیا گیا ۔ملاقات کے پاکستان اور سری لنکا کرکٹ بورڈ کے روابط سمیت دیگر امور زیر بحث آئے ۔ اس موقع پر سری لنکن کرکٹ بورڈ کے ذمہ داران کو زمبابوے کرکٹ ٹیم کے دورہ پاکستان کے لئے فول پروف سکیورٹی انتظامات پر تفصیلی بریفنگ بھی دی گئی ۔سری لنکن کرکٹ بورڈ کا وفد آج اتوار کو قذافی اسٹیڈیم میں پاکستان اور زمبابوے کے درمیان ہونے والا تیسرا ایک کروزہ میچ بھی دیکھے گ